§¤~^~¤§ أول حب §¤~^~¤§
أنت أول الحب واحساس.. الوله كله
يا مشرق في سماء قلبي.. وفي عيني
في داخلي لك محل.. محدن حله
إلا أنت.. يا للي تذكرتك وناسيني
وارجي سحابك يهل الغيم.. ماهله
وراحت بحبك سنين الحب.. وسنيني
أحاول أنسى غرام.. ظلني ظله
وغيرك ولو كان جنبي.. ما يكفيني
واليوم قلبي.. على كيفك ومحتله
مره بجيلك يسار.. ومره أيميني
أيوالله أني احبك.. دون خلق الله
ويحبك القلب وإحساسي.. وما فيني
وأنت القمروالقمروشلون ابوصل له
لا من بغيته.. قصيره دون أيديني
وسيور الأيام.. تجمع خل وخله
وتنزل كل العوائق بينك.. وبيني
وأنا احبك.. وكل الحب لك كله
يا غالي.. مسكنه في قلبي وعيني